2011/2012-ci il
mövsümü Unibank Premyer Liqasının qaliblərinin mükafatlandırılması mərasimi
keçirilmişdir. Beynəlxalq Muğam Mərkəzində keçirilmiş tədbirdə ötən mövsümün
mükafatçıları – “Neftçi”, “Xəzər Lənkəran” və “İnter”dən başqa müxtəlif
nominasiyalar üzrə ən yaxşılar da mükafatlandırılmışdır.
İdman Araşdırmalar
Mərkəzinin apardığı sorğunun nəticələrinə əsasən aşağıdakı nominasiyalar üzrə
ötən mövsümün ən yaxşıları müəyyən olunmuşdur:
Ən yaxşı qapıçı – Kamran Ağayev (“Xəzər Lənkəran”)
Ən yaxşı müdafiəçi – Ruslan Abışov (“Neftçi”)
Ən yaxşı yarımmüdafiəçi – Adrian Pit (“Xəzər Lənkəran”)
Ən yaxşı hücumçu – Rauf Əliyev (“Qarabağ”)
Mövsümün bombardiri – Bahodir Nasimov (“Neftçi”)
Ən yaxşı baş məşqçi – Böyükağa Hacıyev (“Neftçi”)
Mövsümün ən yaxşı qolu – Ceyhun Sultanov (“Kəpəz”)
Ən yaxşı assistent – Rəşad Abdullayev (“Neftçi”)
Mövsümün tapıntısı – Nurlan Novruzov (“Bakı”)
Ən yaxşı baş hakimlər – Fariz Yusifov, Əliyar Ağayev, Elçin Məmmədov
Ən yaxşı köməkçi hakimlər – Mehman Mahmudov, Elman Musayev, Namiq Hüseynov,
Yaşar Abbasov, Vaqif Musayev, Azər Əsgərov
Ən yaxşı futbolçu – Flavio Aleks Valensio (“Neftçi”)
Həmçinin, Unibank
Premyer Liqasının yayımlanmasında və təbliğində götərdikləri xidmətinə görə
“Futbol+” qəzetinə, www.azerisport.com, ww.qol.az, www.fanat.az saytlarına və İdman Araşdırmalar mərkəzinə Peşəkar Futbol Liqasının
xüsusi mükafat və hədiyyələri təqdim olunmuşdur.
Tədbirin bədii hissəsində yerli və xarici ifaçılar, rəqs qrupu və Ukraynadan dəvət olunmuş rəssam çıxış etmişlər.
|