İntizam Komitəsinin bu gün keçirilən iclasında aşağıdakı qərarlar qəbul edilmişdir:

Topaz Premyer Liqasının VIII turunun AZAL – “Xəzər Lənkəran” matçında “Xəzər Lənkəran” klubunun 4 futbolçusu sarı vərəqə ilə cəzalandığı üçün klub 1000 manat cərimə olunur (maddə 40).

Topaz Premyer Liqasının VIII turunun “Bakı” – “Qəbələ” matçında “Bakı” klubunun 4 futbolçusu sarı vərəqə ilə cəzalandığı üçün klub 1000 manat cərimə olunur (maddə 40).

Matçın 43-cü dəqiqəsində “Qəbələ” klubunun 19 №-li futbolçusu Rövşən Əmiraslanov kobud oyuna görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunur (maddə 48).

Topaz Premyer Liqasının VIII turunun “Kəpəz” – “Qarabağ” matçında “Kəpəz” klubunun 4 futbolçusu sarı vərəqə ilə cəzalandığı üçün klub 1000 manat cərimə olunur (maddə 40).

Oyunun 66-cı dəqiqəsində “Qarabağ” klubunun 11 №-li futbolçusu Rauf Əliyev simulyasiyaya görə sarı vərəqə verilib. Lakin matçın video yazısını izlədikdə hakimin epizodu düzgün qiymətləndirməməsi aşkar edilmişdir.  Bu səbəbdən də Rauf Əliyevə göstərilən sarı vərəqə ləğv edilir (maddə 19).

Topaz Premyer Liqasında çıxış edən klubların əvəzedici heyətlərinin VIII turunun “Bakı” – “Qəbələ” matçında “Bakı” klubunun 4 futbolçusu sarı vərəqə ilə cəzalandığı üçün klub 500 manat cərimə olunur (maddə 40).

Azərbaycan I Divizionunun V turunun “Qala” – “Şahdağ” matçında “Qala” klubunun 4 futbolçusu sarı vərəqə ilə cəzalandığı üçün klub 100 manat cərimə olunur (maddə 40).

Oyun zamanı “Şahdağ” klubunun baş məşqçisi Kamran Əlibabayev tribundan hakimləri və matçın hakim-ispektorunu  təhqir etdiyinə görə 5 oyunluq cəzalanır, klub 500 manat cərimə olunur (maddə 42.4).

Azərbaycan I Divizionunun V turunun “Lokomotiv” – “Neftçala” matçında “Lokomotiv” klubunun 5 futbolçusu sarı vərəqə ilə cəzalandığı üçün klub 100 manat cərimə olunur (maddə 40).

Matçın 84-cü dəqiqəsində “Lokomotiv” klubunun 85 №-li futbolçusu Çingiz Qurbanov kobud oyuna görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 20 manat cərimə olunur  (maddə 48).

Azərbaycan I Divizionunun V turunun “Bakılı” – “Şuşa” matçında “Bakılı” klubunun 4 futbolçusu sarı vərəqə ilə cəzalandığı üçün klub 100 manat cərimə olunur (maddə 40).