Azərbaycan Kubokunun “Keşlə” və “Qəbələ” komandaları arasında keçirilən final oyunundan sonra mükafatlandırma mərasimi və möhtəşəm atəşfəşanlıq təşkil olundu. Peşəkar Futbol Liqası tərəfindən təşkil olunan mərasimdə ilk olaraq səhnəyə oyunu idarə edən hakimlər, daha sonra finalçı yekunda isə Azərbaycan Kubokunun qalibi “Keşlə” dəvət olundu. Mükafatları AFFA-nın prezidenti Rövnəq Abdullayev, Peşəkar Futbol Liqasının prezidenti Ramin Musayev, AFFA-nın vitse-prezidenti Elşad Nəsirov və AFFA-nın baş katibi Elxan Məmmədov təqdim etdilər. Peşəkar Futbol Liqasının rəsmi saytı mükafatlandırma mərasimindən fotoları təqdim edir.
|