Futbol üzrə Azərbaycan I Divizionunda fevral ayının ən yaxşı qolunun müəllifi Kamil Nurəhmədov ("Mil-Muğan") mükafatlandırıldı. Azarkeşlər, jurnalistlər və PFL tərəfindən keçirilən sorğuda rəqiblərini qabaqlayan futbolçuya xüsusi mükafat hazırda davam edən “Mil-Muğan” – “Zaqatala” görüşündən öncə təqdim edildi. Qalib xüsusi mükafatı Peşəkar Futbol Liqasının Texniki İdman Departamentinin rəisi Zamiq Hüseynovdan aldı. Qeyd edək ki, Peşəkar Futbol Liqası “Mil-Muğan” – “Zaqatala” görüşünə jurnalistlərin də səfərini təşkil edib.
|