2012-2013-cü il mövsümünə hazırlıq çərçivəsində Avstriyada təlim-məşq toplanışında olan "Simurq" sabah növbəti yoxlama görüşünə çıxacaq. Klubdan verilən məlumata görə, Zaqatala təmsilçisi üçüncü yoldaşlıq oyununda Bolqarıstanın "Lokomotiv Plovdiv" kollektivi ilə qarşılaşmalı idi. Lakin təşkilatçılar tərəfindən rəqib dəyişdirilib. "Simurq" sabah Türkiyə Super Liqasına yeni vəsiqə qazanmış "Akhisar Bələdiyəspor"la yoxlama görüşü keçirdəcək. Yoldaşlıq qarşılaşması Bakı vaxtı ilə saat 20:00-da start götürəcək.
Georgi Çixradzenin yetirmələri Avstriyada hazırlıqlarına iki məşqə çıxaraq, səhər idmanına qaçış və isinmə hərəkətləri ilə başlayıb. Daha sonra qısa ötümələr üzərində məşq edilib. Bundan sonra iki yerə bölünən futbolçular, cəld hüçum qurma və qapıya zərbə endirmək tapşırığı üzərində işləyib. Axşam məşqi də yüngül qaçış və isinmə hərəkətləri ilə start götürüb. Daha sonra Çixradze yetirmələrini dar alanda hentbol oynamaq tapşırığını verib. Axşam idmanın sonunda komanda iki hissəyə bölünərək futbol oynayıb.
Qeyd edək ki, "Simurq"un məşqlərin klub rəhbərliyi də izləyib.
|