İntizam Komitəsinin bu gün keçirilən iclasında aşağıdakı qərarlar qəbul olundu.

Topaz  Premyer Liqasının XII turunun “Qarabağ” – “Kəpəz” matçında “Qarabağ” klubunun 4 futbolçusu sarı vərəqə ilə cəzalandığı üçün klub 800 manat cərimə olunur  (maddə 40).

Topaz  Premyer Liqasının XII turunun “İnter” – AZAL matçının 68-ci dəqiqəsində AZAL klubunun 15 №-li futbolçusu Brayn Fok ikinci sarı vərəqə alaraq meydançadan kənarlaşdırıldığı üçün 1 oyun cəzalanır, klub 200 manat cərimə olunur (maddə 48).

Əvəzedici heyətlərin XII turunun “Qəbələ” – “Zirə” matçında “Qəbələ” klubunun 4 futbolçusu sarı vərəqə ilə cəzalandığı üçün klub 400 manat cərimə olunur  (maddə 40).

Əvəzedici heyətlərin XII turunun “Qarabağ” – “Kəpəz” matçında “Kəpəz” klubunun 4 futbolçusu sarı vərəqə ilə cəzalandığı üçün klub 400 manat cərimə olunur  (maddə 40).

I Divizionun XII turunun “Turan Tovuz” – “Şahdağ” matçının 2-ci hissəsində “Turan Tovuz” klubunun azarkeşləri tərəfindən meydançaya kənar əşyalar atıldığı üçün klub 160 manat cərimə olunur (maddə 52).

I Divizionun XII turunun “Şəmkir” – “Səbail” matçının 78-ci dəqiqəsində “Şəmkir” klubunun 11 №-li futbolçusu Şahin Baleljae ikinci sarı vərəqə alaraq meydançadan kənarlaşdırıldığı üçün 1 oyun cəzalanır, klub 20 manat cərimə olunur (maddə 48).

I Divizionun XII turunun MOİK – “Qaradağ Lökbatan” matçının 35-ci dəqiqəsində MOİK klubunun 10 №-li futbolçusu Məhəmməd Bədəlbəyli qeyri-etik jest göstərdiyinə görə İntizam Komitəsi tərəfindən 3 oyun cəzalanır. Oyunçuya verilmiş cəzanın 2 oyunu şərti  cəza kimi tətbiq edilir və futbolçuya 6 ay sınaq müddəti verilir. Sınaq müddəti ərzində futbolçu yenidən cəzalanacağı təqdirdə sanksiyanın növbəti hissəsi qüvvəyə minəcəkdir (maddə 33) (maddə 42.1).

I Divizionun XII turunun “Rəvan” – “Şərurspor” matçında “Rəvan” klubunun 4 futbolçusu sarı vərəqə ilə cəzalandığı üçün klub 80 manat cərimə olunur  (maddə 40).

I Divizionun XII turunun “Bakılı” – “Energetik” matçında “Energetik” klubunun 4 futbolçusu sarı vərəqə ilə cəzalandığı üçün klub 80 manat cərimə olunur  (maddə 40).

Oyun başa çatdıqdan sonra “Energetik” klubunun 5 №-li futbolçusu Tural Məmmədov KİV nümayəndəsinə qarşı təhqiredici sözlərə və hədə-qorxu gəldiyinə görə 3 oyun cəzalanır, klub 160 manat cərimə olunur (maddə 42.1)

I Divizionun XII turunun “Zaqatala” – “Ağsu” matçının 61-ci dəqiqəsində “Zaqatala” klubunun 10 №-li futbolçusu Arzuman Nəsibov ikinci sarı vərəqə alaraq meydançadan kənarlaşdırıldığı üçün 1 oyun cəzalanır, klub 20 manat cərimə olunur (maddə 48).

UEFA-dan və digər mənbələrdən I Divizion komandaları arasında danışılmış oyunlarla bağlı daxil olan məlumatlar  AFFA və PFL tərəfindən ciddi şəkildə araşdırılır. Komissiyanın qərarına əsasən bu işdə şübhəli bilinən adları aşağıda göstərilmiş şəxslər araşdırma başa çatana qədər AFFA-nın bayrağı altında keçirilən bütün oyunlardan kənarlaşdırılır.

       “Şahdağ”

1. Kamran Ağakərimov
2. İqrar Səmədov
3. Tofiq Səfiyev
4. Mahiddin Ağamov  
5. Faik Ağarəhimov
6. Rafael Kübərov (İnzibatçı)

        “Rəvan”

1. Əkbər Əhmədov
2. Fərid Ağayev
3. Mirqasım Cabbarlı
4. Elvin Əliyev
5. Omid Masumi
6. Fərid Quliyev
7. Cəmşid Məhərrəmov

       “Bakılı”

1. Bəhram Bəhramzadə
2. Xəzər Qəribov

       “Göyəzən”

1. Arzuman Vəliyev
2. Orxan Əsgərov
3. Tunar Şahtaxtinski

        “Energetik”

1. Elvin Əlizadə
2. Kamran Lalayev
3. Orxan Əlibalayev

       “Şərurspor”

1. Mehdi Rəsulov
2. Samir Musayev

        Hakim

       Anar Niyazov

Qeyd edək ki, komissiya tərəfindən   aparılan araşdırmaların nəticələri  AFFA-nın İcraiyyə Komitəsinə  təqdim olunacaq və  bu işdə əli olan komandalara, klub rəsmilərinə, məşqçilərə və futbolçulara qarşı ciddi sanksiyalar tətbiq olunacaq.