![](uploads/11590pfl.jpg) FIFA 22.08.2016-cı il tarixində AFFA-ya məktub ünvanlayaraq FIFA-nın Nizam-İntizam Komitəsinin “Rəvan” klubu haqqında qərar qəbul etdiyini bildirib. Belə ki, “Rəvan” klubu ilə həmin klubda çıxış etmiş futbolçu Miloş Adamoviç arasında bağlanmış müqavilə şərtlərinə klubun riayət etmədiyi səbəbindən “Rəvan”ın cari mövsüm aktivliyindən 3 xal silinməsini tələb edib.
Yuxarıda göstərilənləri nəzərə alaraq AFFA-nın İntizam Komitəsi tərəfindən aşağıdakı qərar qəbul edir:
1. Azərbaycan birinci divizionunda çıxış edən "Rəvan" FK-nın cari mövsüm aktivliyindən 3 xal silinsin.
Topaz Premyer Liqasının IV turunun “Neftçi” – “Qəbələ” matçının 5-ci və 48-ci dəqiqələrində “Neftçi” klubunun azarkeşləri tərəfindən pirotexniki vasitələrdən istifadə edildiyi üçün klub 800 manat cərimə olunur (maddə 52).
Topaz Premyer Liqasının IV turunun “Kəpəz” – “Zirə” matçında “Zirə” klubunun 5 futbolçusu sarı vərəqə ilə cəzalandığı üçün klub 800 manat cərimə olunur (maddə 40). Oyunun 57-ci dəqiqəsində “Kəpəz” klubunun azarkeşləri tərəfindən meydançaya kənar əşyalar atıldığı üçün klub 1600 manat cərimə olunur (maddə 52).
Topaz Premyer Liqasının IV turunun “Qarabağ” – AZAL matçında ev sahibi “Qarabağ” klubu oyunu top daşıyan uşaqlarla təmin etmədiyinə görə 400 manat cərimə olunur (maddə 67).
Topaz Premyer Liqasında çıxış edən klubların əvəzedici heyətlərinin IV turunun “Neftçi” – “Qəbələ” matçının 79-cu dəqiqəsində “Neftçi” klubunun 44 №-li futbolçusu Sənan Əlizadə sonuncu ümid fouluna görə birbaşa qırmızı vərəqə alaraq meydançadan kənarlaşdırıldığı üçün futbolçu 1 oyunluq cəzalanır, klub 80 manat cərimə olunur (maddə 48).
Oyunun 57-ci dəqiqəsində “Neftçi” klubunun məşqçisi Vitali Kovalyov texniki zona qaydalarını pozduğuna görə 1 oyun cəzalanır klub 400 manat cərimə olunur(maddə 62).
Topaz Premyer Liqasında çıxış edən klubların əvəzedici heyətlərinin IV turunun “Kəpəz” – “Zirə” matçında “Zirə” klubunun 4 futbolçusunun sarı vərəqə ilə cəzalandığı üçün klub 400 manat cərimə olunur (maddə 40).
I Divizionun I turunun “Rəvan” – “Turan Tovuz” matçında ev sahibi “Rəvan” klubu oyunu top daşıyan uşaqlarla təmin etmədiyinə görə 80 manat cərimə olunur (maddə 67).
I Divizionun I turunun “Zaqatala” – “Şahdağ” matçında “Şahdağ” klubunun 4 futbolçusu sarı vərəqə ilə cəzalandığı üçün klub 80 manat cərimə olunur (maddə 40).
|