![](uploads/67604tpl1.jpg) Topaz Premyer Liqasının XXVII turuna “Bakcell Arena”da yekun vuruldu. Liderlərin – “Qarabağ”la “İnter”in görüşündə hesab açılmadı.
Kaxaber Sxadadze (“İnter”in baş məşqçisi): “Oyun gərgin keçdi. Bu tip görüşlərdə 1 qol həlledici olur. Əsasən də, hər iki komanda müdafiədə diqqətli oynayır. Hesab edirəm ki, komandalar müdafiədə diqqətli olub, rəqibin səhvindən yararlanmağa çalışırlar. Qol olmasa da, keyfiyyətli oyun alındı. Yarımqol vəziyyətləri yaratdıq. Heç-heçə isə ədalətli nəticədir. Düşünürəm ki, bu oyunu unutmalı və “Xəzər Lənkəran”la vacib qarşılaşmaya hazırlaşmalıyıq”.
Qurban Qurbanov (“Qarabağ”ın baş məşqçisi): “Nəticə normal oldu. Biz yaxşı komandaya qarşı oynadıq. “İnter”in belə oynaması bizim üçün sürpriz oldu. Çünki mən 5 müdafiəçi ilə oynayacaqlarını gözləyirdim. Ümumi götürsək, matç pis alınmadı. Hər iki komanda intizamlı futbol sərgilədi. Müəyyən boşluqlar vardı ki, bunu normal qarşılamaq lazımdır. “İnter”ə uğurlar arzu edirəm. Bu komandaya qarşı görüşlər mənim üçün həmişə xoş olub”.
|