AFFA-nın İntizam Komitəsinin bu gün keçirilən iclasında aşağıdakı qərarlar qəbul olunub.   

Azərbaycan kubokunun 1/8 final mərhələsində keçirilən “Neftçi”  – “Qaradağ Lökbatan” matçının 68-ci dəqiqəsində “Neftçi”  klubunun 18 №-li futbolçusu Kaue da Silva kobud oyuna görə birbaşa qırmızı vərəqə alaraq meydançadan kənarlaşdırıldığı üçün 2 oyun cəzalanır, klub 2000 manat cərimə olunur (maddə 37.1).

Azərbaycan kubokunun 1/8 final mərhələsində keçirilən “Neftçala”  – AZAL matçında “Neftçala”  klubunun 4 futbolçusu sarı vərəqə ilə cəzalandığı üçün klub 100 manat cərimə olunur  (maddə 40).

Oyunun 90+4-cü dəqiqəsində “Neftçala”  klubunun 21 №-li futbolçusu Elvin Adışirinli və AZAL  klubunun 3 №-li futbolçusu Xuan Fransisko kobud oyuna görə birbaşa qırmızı vərəqə alaraq meydançadan kənarlaşdırıldığı üçün hər iki futbolçu 2 oyun cəzalanır, AZAL  klubu 2000 ,“Neftçala”  klubu 200 manat cərimə olunur (maddə 37.1).

Azərbaycan kubokunun 1/8 final mərhələsində keçirilən “Simurq”  – “Rəvan” matçının 55-ci dəqiqəsində “Rəvan”  klubunun 99 №-li futbolçusu Orxan Həsənov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün 1 oyun cəzalanır, klub 20 manat cərimə olunur (maddə 48).

Azərbaycan kubokunun 1/8 final mərhələsində keçirilən “Sumqayıt”  – “Bakı”  matçında “Bakı”  klubunun 4 futbolçusu sarı vərəqə ilə cəzalandığı üçün klub 1000 manat cərimə olunur  (maddə 40).

Oyunun 83-cü dəqiqəsində “Sumqayıt”  klubunun 5 №-li futbolçusu Cəmil Hacıyev idmançıya yaraşmayan hərəkətə görə ikinci sarı vərəqə alaraq meydançadan kənarlaşdırıldığı üçün 1 oyun cəzalanır, klub 200 manat cərimə olunur (maddə 48).

Oyunun 90+1-cü dəqiqəsində “Bakı”  klubunun 10 №-li futbolçusu Nurlan Novruzov kobud oyuna görə birbaşa qırmızı vərəqə alaraq meydançadan kənarlaşdırıldığı üçün 2 oyun cəzalanır, klub 2000 manat cərimə olunur (maddə 37.1). 

Topaz Premyer Liqasının XV turunun “Xəzər Lənkəran” – “Qəbələ” matçında “Qəbələ” klubunun 4 futbolçusu sarı vərəqə ilə cəzalandığı üçün klub 1000 manat cərimə olunur  (maddə 40).

Oyunun 58 və 82 - ci dəqiqələrində “Xəzər Lənkəran” klubunun azarkeşləri tərəfindən  meydançaya kənar əşya atıldığına görə klub 2000 manat cərimə olunur (maddə 52.1).

Topaz Premyer Liqasının XV turunun “Qarabağ” – “Neftçi” matçında “Neftçi” klubunun azarkeşləri tərəfindən  protexniki vasitələrdən istifadə edildiyinə görə klub 1000 manat cərimə olunur (maddə 52.2).

Topaz Premyer Liqasında çıxış edən klubların əvəzedici heyətlərinin XV turunun “Xəzər Lənkəran”  – “Qəbələ” matçının 41-ci dəqiqəsində “Xəzər Lənkəran”  klubunun 70 №-li futbolçusu Elşən Rzazadə idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün 1 oyun cəzalanır, klub 100 manat cərimə olunur (maddə 48).

Topaz Premyer Liqasında çıxış edən klubların əvəzedici heyətlərinin XV turunun “Sumqayıt”  – “Simurq” matçında “Simurq” klubunun 4 , “Sumqayıt” klubunun 5 futbolçusu sarı vərəqə ilə cəzalandığı üçün hər iki klub 500 manat cərimə olunur  (maddə 40).

Azərbaycan I Divizionun XIV turunun “Kəpəz”  – “Turan Tovuz” matçında “Turan Tovuz” klubunun 4 futbolçusu sarı vərəqə ilə cəzalandığı üçün klub 100 manat cərimə olunur  (maddə 40).

Azərbaycan I Divizionun XIV turunun “Şəmkir”  – “Göyəzən” matçında “Şəmkir” klubunun 4 futbolçusu sarı vərəqə ilə cəzalandığı üçün klub 100 manat cərimə olunur  (maddə 40).

Oyunun 29-cu dəqiqəsində “Göyəzən”  klubunun 29 №-li futbolçusu Tunar Şaxtaxtinski kobud oyuna görə birbaşa qırmızı vərəqə alaraq meydançadan kənarlaşdırıldığı üçün 2 oyun cəzalanır, klub 200 manat cərimə olunur (maddə 37.1).

Azərbaycan I Divizionun XIV turunun “Qaradağ Lökbatan”  – “Rəvan” matçında “Qaradağ Lökbatan” klubunun 5 futbolçusu sarı vərəqə ilə cəzalandığı üçün klub 100 manat cərimə olunur (maddə 40).

Oyunun 45-ci dəqiqəsində “Qaradağ Lökbatan”  klubunun 7 №-li futbolçusu Anar Həsənov kobud oyuna görə birbaşa qırmızı vərəqə alaraq meydançadan kənarlaşdırıldığı üçün 2 oyun cəzalanır, klub 200 manat cərimə olunur (maddə 37.1).

Oyunun 84-cü dəqiqəsində “Qaradağ Lökbatan”  klubunun 3 №-li futbolçusu Aydın İslamov idmançıya yaraşmayan hərəkətə görə ikinci sarı vərəqə alaraq meydançadan kənarlaşdırıldığı üçün 1 oyun cəzalanır, klub 20 manat cərimə olunur (maddə 48).

Azərbaycan I Divizionun XIV turunun “Ağsu”  – “Lokomotiv” matçında “Lokomotiv” klubu matçın ilkin protokolunda start heyətində 11 nəfərin adını göstərsə də, meydançaya 7 futbolçu ilə çıxmışdır. Oyunun gedişində “Lokomotiv” klubunun  futbolçusu zədələnmiş və bununla da yetərsay təmin olunmamışdır. Buna  görə də “Lokomotiv” klubuna  0:3 hesablı texniki məğlubiyyət verilir (maddə 31).