![](uploads/inter.jpg) Topaz
Premyer Liqasının 35-ci turunda “İnter” doğma meydanda “Qəbələ”ni qəbul etdi.
Qarşılıqlı hücumlar şəraitində keçən oyun qolsuz heç-heçə ilə başa çatdı - 0:0. Bu nəticədən sonra paytaxt təmsilçisinin mövsümü gümüş medallarla bitirəcəyi qətiləşdi. “Qəbələ” isə üçüncülük uğrunda mübarizəni son turda da davam etdirəcək.
Yuri
Syomin, “Qəbələ” klubunun baş məşqçisi: “Hava çox isti idi. Oyunda yüksək sürət
yox idi. Müdafiədə inamlı oynadıq, lakin hücumda qol imkanları yaratmağa çətinlik
çəkirdik. Əvəzetmələr də hücumun kəsərini artırmağı nəzərdə tuturdu. Təəssüf
ki, hücumlarımız alınmadı. Elnur Allahverdiyevin sarı vərəqə almasında problem
görmürəm. Əksinə, ona qarşı qayda pozuntusuna yol verildiyini düşünürəm”.
Kaxaber
Sxadadze, “İnter” klubunun baş məşqçisi: “Komandanı və bütün klub üzvlərini
ikinci yer tutması ilə təbrik edirəm. Həqiqətən də, hər bir üzvümüz mövsüm ərzində
böyük iş gördü. Qazanılan uğur mənim üçün çempionluğa bərabərdir. Komanda sonuncu
pillədən yüksələrək çempionluq üçün mübarizə apardı. Oyunda böyük üstünlüyə
malik idik. Kamran Ağayev olmasa idi, böyük hesabla qalib gələcəkdik. Kamran öz
yüksək səviyyəsini bir daha göstərdi. Müdafiədə etibarlı oynadıq, yaxşı
hücumlar qururduq, oyuna tam nəzarət edirdik. Komandanın əsas heyəti çox
yaxşıdır. Lakin Avroliqa öncəsi 3 futbolçu almağı düşünürük – mərkəz müdafiəçisi
və hücumameylli futbolçular”.
|