![](uploads/Smqyityeni.jpg) Topaz
Premyer Liqasının 35-ci turunda “Sumqayıt” öz meydanında “Qarabağ”la
qarşılaşdı. Premyer Liqada qalmaq uğrunda mübarizə aparan “gənclər şəhəri”nin təmsilçisi
rəqibini minimal hesabla məğlub edərək vacib üç xalı aktivinə yazdı – 1:0.
Qurban
Qurbanov, “Qarabağ” klubunun baş məşqçisi: “Rəqibi qələbə ilə təbrik edirəm.
Heyətdə müəyyən dəyişiklilər etsək də, oyuna ciddi hazırlaşmışdıq. “Sumqayıt”
ilk hissədə daha yaxşı təsir bağışladı, qol vurmaq şansları daha çox idi. Fasilədən
sonra biz daha yaxşı oynasaq da, qapımızda qol gördük. Çempion olandan sonra
komandanı oyuna kökləmək çətindir. Bu oyunu təhlil edib, futbolçulara iradımızı
çatdıracağıq. Yanvar ayından “Sumqayıt” baxımlı oyun göstərir. Komanda sürətli əks-hücumlar
qurmağı bacarır. Onlara gələcəkdə uğurlar arzulayıram”.
Aqil
Məmmədov, “Sumqayıt” klubunun baş məşqçisi: “Çempion olması münasibəti ilə “Qarabağ”ı
təbrik edirəm. Ümid edirəm ki, Çempionlar Liqasında uğurlu çıxışı ilə bizi
sevindirərlər. Oyun bizim üçün çox vacib idi. Futbolçular bütün tapşırıqları
yerinə yetirə bilməsə də, yekunda qələbə qazana bildik. İlk hissədə daha yaxşı
təsir bağışladıq, lakin qələbə qolunu ikinci hissədə vura bildik. Futbolda belə
hallar olur. Çalışacağıq ki, növbəti turda da azarkeşlərimizi sevindirək”.
|