![](http://www.pfl.az/uploads/qabalayeni.jpg) Topaz Premyer Liqasının 32-ci turunda Qəbələyə
səfər edən “Simurq” yerli komanda ilə oyunda minimal hesabla məğlub oldu – 0:1.
Bu nəticədən sonra “Qəbələ” turnir cədvəlində 4-cü pilləyə yüksəldi.
Georgi Çixradze, “Simurq” klubunun baş məşqçisi:
“Sürətli oyun oldu, hər iki komanda qələbə qazanmaq istəyirdi. Oyun qarşılıqlı
hücumlarla keçdi, qol imkanları yaratdıq. “Qəbələ” əlinə düşən imkandan
yararlana bildi, bizdə isə alınmadı”.
Yuri Syomin “Qəbələ” klubunun baş məşqçisi: “Bizim
üçün çox çətin oyun idi. Çünki, iki gün öncə kubokun yarımfinalında ağır oyun oynadıq.
Əsas heyətdə 4 yeni oyunçuya şans verdik, onlar da kifayət qədər yaxşı oynadı.
Lakin oyunun sonlarına yaxın gücümüz çatmadı. Nəticədən və futbolçularımın
meydanda gördüyü işdən razıyam. Subotiçi sarı vərəqə almaması üçün ikinci hissədə
meydana buraxdım. Cərimə zərbəsi vurularkən Ebesilio ilə ikisi topun yanında
dayansa da, vaxtı uzatdığına görə sarı vərəqə məhz Subotiçə göstərilir. O, növbəti
oyunu buraxacaq. Vərəqənin niyə məhz ona göstərildiyini başa düşmürəm”.
|