![](uploads/azkubokyeni.jpg) Azərbaycan
kubokunun 1/4 final mərhələsinin ilk oyunları çərçivəsində “Rəvan”la qarşılaşan
“Bakı” rəqibini minimal hesabla məğlub edərək cavab oyunu öncəsi üstünlük əldə
etdi – 1:0.
Milinko
Pantiç, “Bakı” klubunun baş məşqçisi: “Çətin oyun oldu. “Rəvan” hər bir komanda
üçün arzuolunmaz rəqibdir. Yeni baş məşqçi ilə komanda çox dəyişib. AFFA
İcraiyyə Komitəsinin qərarından sonra “Rəvan” daha rahat oynayır. Bu gün bizə
qarşı var gücü ilə oynadılar. Buna baxmayaraq, yaxşı oynadıq. Qarşıda cavab
oyunu var, rəqibə hörmətlə yanaşırıq. İkinci qolu vursaydıq daha yaxşı olardı”.
Güvenc
Kurtar, “Rəvan” klubunun baş məşqçisi: “Oyuna yaxşı başladıq, qol epizodlarımız
oldu. Təəssüf ki, istifadə edə bilmədik. Rəqib qapımıza bir dəfə gəldi, onda da
qol oldu. İkinci hissədə bir az daha çox risk etməyə başladıq. Qarşılıqlı hücumlar
oldu. Oyunun sonlarına yaxın isə hakim rəqib qapısına 11 metrlik cərimə zərbəsini
təyin etməli idi. Kubok oyunlarında bir qol belə çox önəmlidir. Hakim ümumilikdə
oyunu yaxşı idarə etdi. Bir həftə sonra cavab oyunu var, hər çey bitməyib. “Bakı”nı
məğlub edəcək gücdəyik. Cavab oyununa kimi zədəli futbolçularımız da sıraya dönəcək.
Kamal Bayramov son oyunlarda çox yaxşı oynadı. Hər iki qapıçımız yaxşıdır”.
|