İntizam Komitəsinin bu gün keçirilən iclasında aşağıdakı qərarlar qəbul edilib:

Topaz Premyer Liqasının XVII turunun “Simurq” – AZAL matçının 79-cu dəqiqəsində “Simurq” klubunun azarkeşləri tərəfindən meydançaya kənar əşya atıldığı üçün klub 2000 manat cərimə olunur (maddə 52).

Topaz Premyer Liqasının XVII turunun “Bakı” – “Qarabağ” matçında “Bakı”  klubunun 5  futbolçusu sarı vərəqə ilə cəzalandığı üçün klub 1000 manat cərimə olunur (maddə 40).

Topaz Premyer Liqasının XVII turunun “Neftçi” – “Qəbələ” matçında “Neftçi”  klubunun 4  futbolçusu sarı vərəqə ilə cəzalandığı üçün klub 1000 manat cərimə olunur (maddə 40).

Oyunun 3-cü dəqiqəsində “Neftçi” klubunun azarkeşləri tərəfindən pirotexniki vasitələr istifadə edildiyi üçün klub 1000 manat cərimə olunur  (maddə 52).

Matçın 84-cü dəqiqəsində “Qəbələ” klubunun 88 №-li futbolçusu Müşfiq Teymurov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunur (maddə 48).

Oyunun 87-ci dəqiqəsində “Qəbələ” klubunun məşqçisi Dmitri Kramarenko texniki-zona qaydalarını pozduğuna görə meydandan kənarlaşdırıldığı üçün 1 oyunluq cəzalanır, klub 1000 manat cərimə olunur (maddə 62).

Apellyasiya və Ekspert Komitəsi “Sumqayıt” klubunun müraciətinə əsasən  “Sumqayıt” – “Bakı” matçında Sumqayıt” klubunun futbolçusu Samir Abbasova verilmiş cəzaya yenidən baxılmasını üçün İntizam Komitəsinə  göndərmişdir. İntizam Komitəsi aparılmış araşdırılmalar və daxil olmuş yeni faktları əsas gətirərək futbolçu Samir Abbasova verilmiş cəzanı ləğv edir (maddə 19).

Əvəzedici heyətlərin XVII turunun “Bakı” – “Qarabağ” oyunun 90+2-ci dəqiqəsində “Qarabağ” klubunun 2 №-li futbolçusu Eyvaz Mərdanov qeyri-etik ifadələr işlətdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 3 oyunluq cəzalanır, klub 1000 manat cərimə olunur (maddə 42.1).

Əvəzedici heyətlərin XVII turunun “Neftçi” – “Qəbələ” matçının 51-ci dəqiqəsində “Qəbələ” klubunun 94 №-li futbolçusu Ruslan Bədəlov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 100 manat cərimə olunur (maddə 48).

Əvəzedici heyətlərin XVII turunun “Xəzər Lənkəran” – “Rəvan” matçının 71-ci dəqiqəsində “Rəvan” klubunun 7 №-li futbolçusu Cəmil Rəhimli idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 100 manat cərimə olunur (maddə 48).

Azərbaycan I Divizionunun XIV turunun MOİK – “Lokomotiv” matçının 15-ci dəqiqəsində MOİK klubunun 12 №-li futbolçusu Elnur Hüseynov sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 20 manat cərimə olunur (maddə 48).

Azərbaycan I Divizionunun XIV  “Energetik” – “Karvan” matçında “Energetik” klubunun 4 futbolçusu sarı vərəqə cəzalandığı üçün klub 100 manat cərimə olunur (maddə 40).

Oyunun 72-ci dəqiqəsində “Energetik” klubunun 4 №-li futbolçusu Tural Məmmədov kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanır, klub 200 manat cərimə olunur (maddə 37.1).

Azərbaycan I Divizionunun XIV  “Turan-T” – “Mil-Muğan” matçında “Turan-T” klubunun 4 futbolçusu sarı vərəqə cəzalandığı üçün klub 100 manat cərimə olunur (maddə 40).

Azərbaycan I Divizionun XIV  “Neftçala” – “Araz-Naxçıvan” matçında “Neftçala” klubunun 4 futbolçusu sarı vərəqə cəzalandığı üçün klub 100 manat cərimə olunur (maddə 40).

Oyunun 74-cü dəqiqəsində “Neftçala” klubunun 20 №-li futbolçusu Tanrıverdi Məhərrəmli rəqibi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 3 oyunluq cəzalanır, klub 200 manat cərimə olunur (maddə 42.1).

Oyunun 80-ci dəqiqəsində “Araz Naxçıvan” klubunun 9 №-li  futbolçusu Eşqin Quliyevlə “Neftçala” klubunun 9 №-li futbolçusu Aslan Hüseynov bir-birini təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçular 3 oyunluq cəzalanır, klublar 200 manat cərimə olunur (maddə 42.1).

Azərbaycan I Divizionun XIII “Şəmkir” – “Neftçala” matçının 14-cü dəqiqəsində “Şəmkir” klubunun baş məşqçisi Ruslan Abbasov hakimləri təhqir etdiyinə görə meydandan kənarlaşdırıldığı üçün 5  oyunluq cəzalanır, klub 500 manat cərimə olunur (maddə 42.4).