Topaz Premyer Liqasının XIV turunun “Qəbələ” – AZAL oyunun 33-cü dəqiqəsində “Qəbələ” klubunun azarkeşləri tərəfindən meydançaya kənar əşyalar atıldığı üçün klub 2000 manat cərimə olunur (maddə 52).

Topaz Premyer Liqasının XIV turunun “Bakı” – “Xəzər Lənkəran” matçı başa çatdıqdan sonra “Xəzər Lənkəran” klubunun baş məşqçisi Con Toşak oyunsonrası keçirilən mətbuat  konfransında iştirak etmədiyi üçün klub 1000 manat cərimə olunur (maddə 82).

Topaz Premyer Liqasının  XIV turunun “İnter” – “Neftçi” matçında “Neftçi” klubunun 4, “İnter” klubunun 5  futbolçusu sarı vərəqə ilə cəzalandığı üçün klublar 1000 manat cərimə olunur (maddə 40).

Oyununun 63-cü dəqiqəsində “Neftçi” klubunun 9 №-li futbolçusu Flavio Aleks Valensio aqressiv oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanır, klub 2000 manat cərimə olunur (maddə 38.1).

Oyun başa çatdıqdan sonra “Neftçi” klubunun 3 №-li futbolçusu Denis Silva Kruzun “İnter” klubunun 88 №-li futbolçusu Meza Kolli Derlisə qarşı aqressiv hərəkətinə görə futbolçu 3 oyunluq cəzalanır, klub 3000 manat cərimə olunur  (maddə 38.2).

Hakimlərin idarəçiliyinə Hakimlər Komitəsində, hakim-inspektorun matçda fəaliyyətinə Hakim-inspektorlar Komitəsində baxılsın və İntizam Komitəsinə məlumat verilsin.

Topaz Premyer Liqasında çıxış edən klubların əvəzedici heyətlərinin XIV turunun “İnter” –  “Neftçi” oyununun 25-ci dəqiqəsində “Neftçi” klubunun 19 №-li futbolçusu Mehman Rəsulov kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanır, klub 1000 manat cərimə olunur (maddə 37.1).

Azərbaycan I Divizionunun XI turunun “Araz-Naxçıvan” – “Şuşa” matçında “Araz-Naxçıvan” klubunun 5 futbolçusu sarı vərəqə cəzalandığı üçün klub 100 manat cərimə olunur (maddə 40).

Azərbaycan I Divizionunun XI turunun “Turan-T” – “Ağsu” matçının 75-ci dəqiqəsində “Ağsu” klubunun 8 №-li futbolçusu Fariz Ramazanov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 20 manat cərimə olunur (maddə 48).

Oyunun 89-cu dəqiqəsində “Ağsu” klubunun 6 №-li futbolçusu Azər Məmmədov kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanır, klub 200 manat cərimə olunur (maddə 37.1).

Azərbaycan I Divizionunun XI turunun “Karvan” – “Bakılı” matçında “Karvan” klubunun 5 futbolçusu sarı vərəqə cəzalandığı üçün klub 100 manat cərimə olunur (maddə 40).

Oyunun 84-cü dəqiqəsində “Karvan” klubunun 7 №-li futbolçusu Əziz Hüseynovla “Bakılı” klubunun 13 №-li futbolçusu Comərd Baxşəliyev biri-birini təhqir etdiyinə görə birbaşa qırmızı vərəqə alaraq meydandan kənarlaşdırıldıqları üçün hər iki futbolçu 3 oyunluq cəzalanır, klublar 200 manat cərimə olunur (maddə 42.1).

Azərbaycan I Divizionunun XI turunun “Qaradağ-Lökbatan” – “Neftçala” matçının 55-ci dəqiqəsində “Neftçala” klubunun 19 №-li futbolçusu Qasan Qasanov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 20 manat cərimə olunur (maddə 48).

Matçın 80-ci dəqiqəsində “Qaradağ-Lökbatan” klubunun məşqçisi Nasim Əhmədov texniki zona qaydalarını pozduğuna görə meydandan kənarlaşdırıldığı üçün məşqçi 1 oyunluq cəzalanır, klub 100 manat cərimə olunur (maddə 62).

Oyunun 90+5-ci dəqiqəsində “Neftçala” klubunun 7 №-li futbolçusu Nakim Vəliyev idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 20 manat cərimə olunur (maddə 48).