Topaz Premyer Liqasının V turunun “Sumqayıt” – “Rəvan” matçının 89-cu dəqiqəsində “Rəvan” klubunun 17 №-li futbolçusu Ramazan Abbasov simulyasiyaya görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunur (maddə 48).
Hakimlərin idarəçiliyinə Hakimlər Komitəsində baxılsın və İntizam Komitəsinə məlumat verilsin.
Topaz Premyer Liqasının V turunun “Bakı” – “Neftçi” matçının 48-ci dəqiqəsində “Bakı” klubunun 8 №-li futbolçusu Cavid Hüseynov aqressiv hərəkətə görə birbaşa qırmızı vərqə alaraq meydandan kənarlaşdırıldığı üçün 3 oyunluq cəzalanır, klub 3000 manat cərimə olunur (maddə 38.2).
Oyunun 49-cu dəqiqəsində “Bakı” klubunun 1 №-li futbolçusu Aqil Məmmədov hakimi təhqir etdiyinə görə birbaşa qırmızı vərqə aldığı üçün futbolçu 4 oyunluq cəzalanır, klub 4000 manat cərimə olunur (maddə 42.3).
Topaz Premyer Liqasının V turunun “İnter” – “Simurq” matçı başa çatdıqdan sonra “İnter” klubunun baş məşqçisi Kaxaber Sxadadze mətbuat konfransında iştirak etmədiyi üçün klub 1000 manat cərimə olunur (maddə 82).
Topaz Premyer Liqasının V turunun “Qarabağ” – AZAL matçında hər iki klubunun 5 futbolçusu sarı vərəqə cəzalandığı üçün klublar 1000 manat cərimə olunur (maddə 40).
Əvəzedici heyətlərin V turunun “Qəbələ” – “Xəzər Lənkəran” matçının 49-cu dəqiqəsində “Xəzər Lənkəran” klubunun 8 №-li futbolçusu Cavid Bağırov kobud oyuna görə birbaşa qırmızı vərqə alaraq meydandan kənarlaşdırıldığı üçün futbolçu 2 oyunluq cəzalanır, klub 1000 manat cərimə olunur (maddə 37.1).
Əvəzedici heyətlərin V turunun “Sumqayıt” – “Rəvan” matçında “Rəvan” klubunun 4 futbolçusu sarı vərəqə cəzalandığı üçün klub 500 manat cərimə olunur (maddə 40).
Əvəzedici heyətlərin V turunun “Qarabağ” – AZAL matçında AZAL klubunun 4 futbolçusu sarı vərəqə cəzalandığı üçün klub 500 manat cərimə olunur (maddə 40).
Əvəzedici heyətlərin V turunun “İnter” – “Simurq” matçında “İnter” klubunun 4 futbolçusu sarı vərəqə cəzalandığı üçün klub 500 manat cərimə olunur (maddə 40).
Oyunun 90+1-ci dəqiqəsində “Simurq” klubunun 8 №-li futbolçusu Roini İsmayılov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 100 manat cərimə olunur (maddə 48).
“Xəzər Lənkəran” klubu İntizam Komitəsinə müraciət edərək Topaz Premyer Liqasının III turu çərçivəsində baş tutan “Qarabağ” – “Xəzər Lənkəran” matçının 60-cı dəqiqəsində “Xəzər Lənkəran” klubunun 27 №-li futbolçusu Adrian Skarlatakeyə qeyri-idman hərəkətinə görə göstərilmiş sarı vərəqəyə yenidən baxılmasını xahiş etmişlər.
Matçın videoyazısını izlədikdə futbolçunun heç bir qayda pozuntusuna yol vermədiyi aşkar edilmişdir. Bu səbəbdən də, İntizam Komitəsi Topaz Premyer Liqasının III turu çərçivəsində baş tutan “Qarabağ” – “Xəzər Lənkəran” matçında “Xəzər Lənkəran” klubunun 27 №-li futbolçusu Adrian Skarlataçeyə göstərilmiş sarı vərəqəni ləğv edir (maddə 19).