![](http://pfl.az/uploads/pfl.jpg) İntizam Komitəsinin bu gün keçirilmiş iclasında aşağıdakı qərarlar qəbul edilmişdir: Topaz Premyer Liqasının IV turunun AZAL – “Sumqayıt” matçının
54-cü dəqiqəsində “Sumqayıt” klubunun 5 №-li futbolçusu Kərim Diniyev idmançıya
yaraşmayan hərəkətə görə ikinci sarı vərəqə alaraq meydandan kənarlaşdırıldığı
üçün futbolçu 1 oyunluq cəzalanır, klub 200 manat cərimə olunur (maddə 48).
Oyunun
73-cü dəqiqəsində “Sumqayıt” klubunun 21 №-li futbolçusu Məhəmməd Mirzəbəyov
sonuncu ümid foluna görə birbaşa qırmızı vərəqə alaraq meydandan
kənarlaşdırıldığı üçün futbolçu 1 oyunluq cəzalanır, klub 200 manat cərimə
olunur(maddə 48).
Topaz Premyer Liqasının IV
turunun “Simurq” – “Bakı” matçında “Simurq” klubunun 4 futbolçusu sarı vərəqə
ilə cəzalandığı üçün klub 1000 manat cərimə olunur (maddə 40).
Topaz Premyer Liqasının IV
turunun “Qəbələ” – “Qarabağ” matçında “Qarabağ” klubunun 4 futbolçusu sarı
vərəqə cəzalandığı üçün klub 1000 manat cərimə olunur (maddə 40).
Oyununun
80-ci dəqiqəsində “Qəbələ” klubunun azarkeşləri tərəfindən meydançaya kənar
əşya atıldığı üçün klub 2000 manat cərimə olunur (maddə 52).
Topaz Premyer Liqasının IV
turunun “Rəvan” – “İnter” matçında “Rəvan” klubunun 4 futbolçusu sarı vərəqə
ilə cəzalandığı üçün klub 1000 manat cərimə olunur (maddə 40).
Topaz Premyer Liqasının IV turu
çərçivəsində “Xəzər Lənkəran” – “Neftçi” matçı keçirilmiş və oyun 0:0 heasbı
ilə başa çatmışdır.
Oyunun
fasiləsi zamanı “Xəzər Lənkəran” klubunun azarkeşləri “Neftçi” klubunun
azarkeşləri olan sektora doğru hərəkət edərək onlara fiziki təsir göstərməyə
cəhd etmiş, lakin polis tərəfindən insident aradan qaldırılmışdır. Baş vermiş
hadisə ilə əlaqədar matçın ikinci hissəsi 6 dəqiqə gec başlamışdır.
Oyun
başa çatdıqdan sonra yenidən “Xəzər Lənkəran” klubunun azarkeşləri Neftçi”
klubunun azarkeşlərinə hücum etməyə cəhd göstərmiş, polis və daxili qoşun
qüvvələri tərəfindən buna imkan verilməmiş və baş verə biləcək hər hansı
xoşagəlməz hadisələrin qarşısı alınmışdır. Buna baxmayaraq, “Xəzər Lənkəran”
klubunun azarkeşləri “Neftçi” klubunun azarkeşləri olan sektora və meydançaya
çoxlu sayda pirotexniki vasitələr, oturacaqlar və digər əşyalar atmışlar.
Azarkeşlər
stadionu və ətraf ərazini tərk etdikdən sonra matçın hakimləri və “Neftçi”
klubunun azarkeşləri polisin müşayiəti ilə stadiondan çıxmışdır.
Yuxarıda
göstərilən hadisələri nəzərə alaraq İntizam Komitəsi aşağıdakı qərarları qəbul
edir:
-
2013/2014 mövsümü Topaz Premyer Liqası və Azərbaycan kuboku matçlarında bu
klubların öz aralarında keçirəcəyi oyunlarda qonaq komandanın
azarkeşlərinin stadionlarda iştirakına qadağa qoyulur.
-
Stadionda baş vermiş kütləvi intizamsızlığa görə “Xəzər Lənkəran” klubu 5000
manat cərimə olunur (maddə 50).
-
Pirotexniki vasitələrdən istifadə edilməsi və meydançaya kənar əşyalar
atılmasına görə “Xəzər Lənkəran” klubu 4000 manat cərimə olunur (maddə 52).
-
“Xəzər Lənkəran” klubunun 4 futbolçusunun sarı vərəqə ilə cəzalandırılmasına
görə klub 1000 manat cərimə olunur (maddə 40).
- “Xəzər Lənkəran” və “Neftçi” klublarının
azarkeşlərlə apardığı işin səviyyəsi çox aşağı olduğuna görə hər iki klub 5000
manat cərimə olunur.
-
Hər iki klubun ev sahibi olduğu oyunlarda analoji hadisənin yenidən baş
verəcəyi təqdirdə klub Topaz Premyer Liqası və Azərbaycan kuboku çərçivəsində
ev oyunlarını azarkeşsiz keçirəcək.
-
Matçın gedişində stadionun diktoru tərəfindən “Xəzər Lənkəran” azarkeşlərinə öz
komandalarını dəstəkləməyə çağırış xarakterli şüarlar səsləndirildiyinə görə
“Xəzər Lənkəran” klubu 2000 manat cərimə olunur.
-
“Xəzər Lənkəran” klubunun 5 №-li futbolçusu Elnur Allahverdiyevlə
“Neftçi” klubunun 7 №-li futbolçusu Araz Abdullayevin idmançıya
yaraşmayan hərəkətlərinə görə “Xəzər Lənkəran” və “Neftçi” klubları 2000 manat
cərimə olunurlar.
Əvəzedici heyətlərin IV turunun “Rəvan” – “İnter”
matçında “Rəvan” klubunun 5 futbolçusu sarı vərəqə ilə cəzalandığı üçün klub
500 manat cərimə olunur (maddə 40).
|