Azərbaycan
kubokunun “Neftçi” – “Xəzər Lənkəran” final oyunundan öncə təşkil olunmuş mətbuat
konfransında çıxış edən paytaxt klubunun baş məşqçisi Böyükağa Hacıyev KİV
nümayəndələrinin suallarına cavab verib:
“İki qardaş və əbədi rəqib olan komandalar – “Neftçi” və “Xəzər Lənkəran” sabah
ölkə kubokunun finalında qarşılaşacaq. Çox maraqlı oyun gözlənilir. Premyer
Liqanın son turundan sonra komandaya iki günlük istirahət vermişdik. Artıq bir
həftədir ki, final oyununa hazırlaşırıq. Rəqibə hörmətlə yanaşırıq. “Xəzər Lənkəran”
bu il çempionatı 9-cu pillədə başa vurmasına baxmayaraq, “Neftçi” üçün həmişə
layiqli rəqib olub. Azərbaycanın istənilən komandası “Neftçi” ilə oyuna başqa
motivasiya ilə çıxır. Çempionatda böyük irəliləyiş var, zəif komandalar güclü rəqiblə
başabaş mübarizə aparır. Oyunöncəsi son məşqdən sonra komanda olaraq birlikdə final
oyununa hazırlaşacağıq. Kim güclüdürsə, o da qalib gəlsin. Avropada ölkəmizi təmsil
edəcək bütün komandalara uğurlar arzulayıram.
“Neftçi”
həmişə əziyyət çəkən komandadır. Kubokun final oyunu bu mövsüm keçirəcəyimiz
50-ci oyun olacaq. Bütün yarışlarda böyük yol qət etdik. Klubun prezidenti
Sadıq Sadıqov komandada qardaşlıq ab-havası yaradıb. Strategiyamız məlumdur:
futbolçu və məşqçi olmaqdan qabaq qardaşıq. Məşq məşqdir, sonra isə istənilən
vaxt qapım futbolçuların üzünə açıqdır. Hamısı öz işinin ustasıdır, oyunlara məsuliyyətlə
yanaşırlar. Kuboku qazanmağa can atırıq. İstirahət etməyə vaxtımız yoxdur, final
oyunundan sonra bütün diqqətimizi püşkatmaya yönəldəcəyik.
Vobay
bizə “Xəzər Lənkəran”dan gəlib, Kanales isə bir tapıntı olub. 55 yaşım var,
harada olmağımdan asılı olmayaraq, həmişə dönüb geriyə baxıram. Keçmişi unutmaq
olmaz. Kanales də, Vobay da komandada qalacaq, heyətimizi bir neçə futbolçu ilə
gücləndirəcəyik. Uğurlarımızın ardını gətirməyə çalışacağıq. Getmək istəyənin
qarşısını almarıq.
Con
Toşak məndən 10 yaş böyükdür, ona böyük hörmətim var. Toşakdan öyrənəcəyimiz
çox şey var. Lakin meydanda məndə hörmət deyilən anlayış yoxdur.
Komandada
çox gözəl ab-hava var. Son məşqimiz hamı üçün açıq olacaq. Nəsib olsa, sabah
qızıl dubl edərik”.
Bütün müəllif hüquqları Azərbaycan Respublikası
qanunvericiliyinə uyğun qorunur. Saytda
yerləşdirilən hər hansısa məlumatdan istifadə zamanı
istinadın qeyd olunması vacibdir.