Milli Mətbuat Gününə həsr edilmiş intellektual yarış keçirilib
2024/25 mövsümü Azərbaycan Premyer Liqası və Azərbaycan Kubokunun təqvimi
“Zirə” Avropa Liqası ilə vidalaşdı
II Liqada 14-cü komanda müəyyənləşdi
Con Toşak: “Azarkeşlərimiz üçün ən yaxşısını edəcəyik” 2013-05-27
Azərbaycan kubokunun final oyundan öncə “Xəzər Lənkəran”
klubunun baş məşqçisi Con Toşakın iştirakı ilə mətbuat konfransı keçirilmişdir.
Con Toşak, “Xəzər Lənkəran” klubunun baş məşqçisi: “Ölkə çempionuna
qarşı oynayacağımızın fərqindəyik. İlk olaraq “Neftçi” komandasını çempion
olması münasibəti ilə təbrik edirəm. Britaniyada çempionluğu “yağla çörək”
adlandırırlar. “Neftçi” mövsüm ərzində ən yaxşı komanda olduğunu bir daha sübut
etdi.
Kubok isə qaymaqdır. Finala vəsiqə qazanmışıq, bunun əsas
uğuru isə yarımfinalda Lənkəranda “Bakı”ya qarşı keçirdiyimiz möhtəşəm oyun
idi. Bu mövsümü titulsuz da bitirə bilərdik. Sabahkı oyuna yaxşı hazırlaşmışıq.
Qələbəni düşünərək meydana çıxacağıq. Uzun mövsümün son oyunudur, irəliyə
baxırıq. Möhtəşəm azarkeşlərimiz var, onların üçün əlimizdən gələnin ən
yaxşısını edəcəyik”.
Daha sonra Con Toşak mətbuat konfransında iştirak edən KİV
nümayəndələrinin suallarına cavab verdi:
“”Neftçi”nin mövsümün ən yaxşı komandası olduğunu bilirik. Komandamızda
olan problemlərimizi araşdırmışıq. Final bir oyundan ibarətdir, burada hər şey
ola bilər. Bu, mənim üçün yeni bir təcrübədir.
İngiltərə nümunəsinə baxsaq, “Mançester Siti” komandası mövsümü
ikinci pillədə bitirdi, lakin ölkə kubokun finalında artıq Premyer Liqanı tərk
etmiş “Viqan”a məğlub oldu.
Kubok oyununun çətinliyini anlayırıq. Bu da bizim üçün əlavə
stimuldur. Final oyununda hər cür çətinliyə hazırıq. Adrian Pit sabahkı oyuna hazır
deyil. Təxminən 3 həftə sonra komandamız təlim-məşq toplanışına start verəcək.
Pitin o vaxtadək hazır olacağına ümid edirəm.
Azərbaycan Super kubokunu nə vaxt oynayacağımızı demək çətindir.
Fikrimcə, iyunun sonlarında Super kubok oyununu keçirmək düzgün deyil.
Ümumilikdə, çempionatdakı çıxışımıza baxdıqda Avropaya getməyə
layiq deyilik. Obyektiv olaraq, bu, “Neftçi”nin çempion olması sayəsində mümkün
oldu. Lakin sabahkı final oyununda qalib gəlib Avroliqaya vəsiqəni öz gücümüzə qazandığımızı
nümayiş etdirəcəyik.
Bir neçə gündür ki, məşqlərimizi
səhər saatlarında edirik. Bu balansı pozmaq istəmədik, ona görə də oyunöncəsi məşqi
səhər vaxtına saldıq. Bunun hansı vaxtda keçirilməsi o qədər də əhəmiyyətli deyil.
Azərbaycan çempionatının səviyyəsini yaxşı saymaq olar. Məni
əsas təəccübləndirən məqam oyunların süni örtüklü meydançalarda keçirilməsidir.
Bu mənim məşqçilik təcrübəmdə ilk haldır.
Hər şeydən öncə fikrimi öz komandamın oyununda cəmləşdrimişəm.
Burada olduğum iki ay ərzində komandada həll olunası çox problem var idi,
onlarla məşğul idik. Futbolçular “Neftçi”ni məndən daha yaxşı tanıyır, oyun öncəsi
toplanışda son tapşırıqlarımızı verəcəyik. Sabah Azərbaycanda bayramdır, ümid
edirəm ki, bayram Lənkəranda davam edəcək”.
Bütün müəllif hüquqları Azərbaycan Respublikası
qanunvericiliyinə uyğun qorunur. Saytda
yerləşdirilən hər hansısa məlumatdan istifadə zamanı
istinadın qeyd olunması vacibdir.