Topaz Premyer Liqasının 31-ci turunda “Simurq” doğma meydanda “İnter”i minimal hesabla məğlub etdi. Bu nəticədən sonra paytaxt təmsilçisi çempionatı 3-cü, Zaqatala təmsilçisi isə 4-cü pillədə tamamladı.

Kaxaber Sxadadze, “İnter” klubunun baş məşqçisi: “Rəqibi qələbə ilə təbrik edirəm. Komandam oyuna yaxşı başlamadı. Əvvəl deyirdilər ki, “Simurq” “İnter”in farm-klubudur. Qoy Zaqatala camaatı görsün ki, bu, belə deyil. Yeni mövsümdə “İnter”də qalsam, radikal dəyişikliklərə əl atacam, komandanı daha yaxşı formalaşdıracam”.

İqor Getman, “Simurq” klubunun məşqçisi: “Oyun çox çətin keçdi, futbolçular sona kimi mübarizə apardı. Futbolçumuzun qırmızı vərəqə alması oyunumuza təsir etdi, bizim üçün daha da ağır oldu. Oyunu qələbə ilə başa vura bildik, komandamı təbrik edirəm”.