Peşəkar Futbol Liqası 2024/2025-ci illər futbol mövsümü üçün akkreditasiya qeydiyyatına start verir. PFL-in keçirdiyi yarışlar üçün akkreditasiya vəsiqəsinə sahib olmaq istəyənlər aşağıdakı məlumatları bu gündən etibarən iyul ayının 20-dək [email protected] ünvanına göndərə bilərlər:
1) Ad və soyad;
2) Akkreditasiya vəsiqəsinin növü (press, foto, tv);
3) Təmsil etdiyi media subyekti;
4) İş yerindən verilən vəsiqənin surəti;
5) 3x4 ölçüdə fotoşəkil
Qeydlər:
- Akkreditasiya qeydiyyatı 31 marta qədər davam edəcək. İlkin akkreditasiyaya gecikənlər, şərtlərə tam cavab verməyənlər, işə yeni qəbul olunacaq şəxslər mövsümün gedişində müraciət edə bilərlər. Həmin akkreditasiyalar müraciətdən sonrakı bir ay ərzində təqdim olunacaq.
- Peşəkar Futbol Liqasının növbəti mövsüm üçün akkreditasiyası futbolla birbaşa əlaqəsi olan media nümayəndələrinə veriləcək.
- Akkreditasiya üçün müraciət edildikdən sonra vəsiqənin verilib-verilməməsi tam olaraq PFL-in səlahiyyətindədir.
|