Topaz
Premyer Liqasının 7-ci turundan təxirə salınmış oyunda “İnter”lə “Neftçi”
qarşılaşdı. “Şəfa” stadionunda baş tutan oyunda qalib müəyyənləşmədi – 1:1.
Kaxaber Sxadadze, “İnter” klubunun baş məşqçisi: “Hamını Yeni
İl münasibətilə təbrik edirəm. Hər kəsə uğurlar arzu edirəm. Mənə elə gəlir ki,
azarkeşlər 90 dəqiqə baxımlı oyun izlədi. Komandam ikinci hissədə daha yaxşı
oyadı. Bizim uşaqların bəzilərində “Neftçi” sindromu var. Rəqibin qapıçısını təbrik
edərdim. Çox yaxşı oyun göstərdi. Rəhbərlik bizi baxımsız oyun göstərməkdə günahlandırırdı.
Biz sübut etdik ki, liderliyimiz təsadüfi deyil”.
Tərlan Əhmədov, “Neftçi” klubunun məşqçisi: “Klubumuzun rəhbərliyi
və komandanın adından hamının bayramını təbrik edirəm. Premyer Liqanın ən
baxımlı oyununu izlədik. Komandamızda bir sıra çatışmazlıqlar var. Mitreski və
Elvinin bugünkü oyunda olmaması öz təsirini göstərdi. Ona görə də heyətdə yerdəyişmə
etdik. Həm də AZAL-la oyunda təbii ot örtüyündə oynadığımız üçün, bu gün süni
meydançada oynamaq çətin idi. İlk hissədə daha yaxşı oynadıq. İkinci hissənin
ilk 25 dəqiqəsində yaxşı oynasaq da, sona yaxın zəif çıxış etdik. Amma
futbolçular meydanda əzmkarlıq göstərdilər. Qismət belə imiş. Bu heç-heçəyə görə
özümüzdən başqa heç kəsi günahlandırmaq olmaz. Bu il futbolçularımızın etdiklərinə
görə qarşılarında baş əyirik, təşəkkür edirik. Biz hücum futbolu oynasaq da, bu
gün daha çox müdafiədə oynadıq”.
|