Topaz Premyer Liqasının 17-ci turuna “Böyük oyun”la – “Xəzər Lənkəran” “Neftçi” oyunu ilə start verildi. Rəqibini 2-1 hesabı ilə məğlub edən “Xəzər Lənkəran” əzəli rəqibi ilə xallarını bərabərləşdirdi.

Böyükağa Hacıyev, “Neftçi” klubunun baş məşqçisi: “”Neftçi”nin istədiyi şərait yox idi. Öz oyunumuzu ortaya qoymaq istədik, təəssüf ki, fərdi səhvlərdən qollar buraxdıq məğlub olduq. Bu, belə qalmayacaq. Mən azərbaycanlıyam və bununla fəxr edirəm. Biz komandanı xalqımız üçün düzəldirik. “Xəzər Lənkəran” komandasınl indiyədək bu qədər zəif görməmişdim, sadəcə bu gün oyunda bəxtimiz gətirmədi. “Neftçi” bu il də çempion olacaq, Azərbaycanda bizim rəqibimiz yoxdur”.

Karles Bakes, “Xəzər Lənkəran” klubunun baş məşqçisi: “Bu gün yüksək səviyyəli oyun göstərən komandaya qalib gəldik. Öz futbolçularımız da əsl xarakter göstərib vacib oyunda qalib gəldilər. Bu qələbəni azarkeşlərimizə həsr edirik, çətin zamanlarda həmişə yanımızda olubrlar. Onlara bir borcumuz var idi, bu qələbə ilə borcumuzu qaytarmış olduq. Meydanda müabrizə aparan komanda üçün daha bir komanda çalışır, məşqçi və inzibati heyət, rəhbərlik - hamısı komandanın uğuru üçün çalışır. Bir müddət əvvəl demişdim ki, bunlar səviyyəli futbolçulardır və bu gün bunu bur daha sübüt etdilər. Hakimin qapımıza penalti epizodunda haqlı qərar verdiyini düşünürəm. İlk gəldiyim gündən komandada yüksək həvəs gördüm, ona görə onları bu cür oyunlara kökləmək çətin deyil. Qış transfer dövründə heyəti gücləndirməyi düşünürük, çünki, ehtiyat futbolçular azdır. Bütün diqqətimizi “Qarabağ”la oyuna yönəldəcəyik, bundan sonra yeni transferlər haqqında düşünə bilərik. Bu gün bütün komanda üzvləri meydanda aslanlar kimi vuruşdu”.