Topaz Premyer Liqasının XVI turunun “Sumqayıt” – “Qəbələ” matçında “Sumqayıt” klubunun 4 futbolçusu sarı vərəqə ilə cəzalandığı üçün klub 1000 manat cərimə olunur (maddə 40).

Oyunun 61-ci dəqiqəsində “Qəbələ” klubunun 15 №-li futbolçusu Aleksandr Çertaqanov kobud oyuna görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunur (maddə 48).

Topaz Premyer Liqasının XVI turunun “Simurq” – “Xəzər Lənkəran” matçında “Simurq” klubunun futbolçusu sarı vərəqə ilə cəzalandığı üçün klub 1000 manat cərimə olunur (maddə 40)

Oyunun 48-ci dəqiqəsində “Xəzər Lənkəran” klubunun 15 №-li futbolçusu Ruslan Abışov sonuncu ümud fouluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunur (maddə 48).

Matçın 67-ci dəqiqəsində “Simurq” klubunun azarkeşləri tərəfindən meydançaya kənar əşya atıldığı üçün klub 2000 manat cərimə olunur (maddə 52).

Topaz Premyer Liqasının XVI turunun “Neftçi” – “Rəvan” matçının 76-cı dəqiqəsində “Rəvan” klubunun baş məşqçisi Kemal Alispahiç texniki zonana qaydalarını pozduğuna görə meydandan kənarlaşdırıldığı üçün 1 oyunluq cəzalanır, klub 1000 manat cərimə olunur (maddə 62).

Matçdan sonra keçirilən mətbuat konfransında “Rəvan” klubunun baş məşqçisi Kemal Alispahiç hakimin idarəçiliyi haqqında qeyri-etik ifadələr işlətdiyi üçün klub 2000 manat cərimə olunur (maddə 82).

Əvəzedici heyətlərinin XVI turunun “Neftçi” – “Rəvan” matçının 80-ci dəqiqəsində “Neftçi” klubunun 11  №-li futbolçusu İlham Allahverdiyevlə “Rəvan” klubunun 90 №-li futbolçusu Hüseyn Axundov bir-birini  təhqir etdiklərinə görə birbaşa qırmızı vərəqə alaraq meydandan kənarlaşdırıldıqları üçün hər iki futbolçu 3 oyunluq cəzalanır, klublar 1000 manat cərimə olunur (maddə 42.1). Hər iki futbolçuya verilmiş cəzanın 2 oyunu şərti cəza kimi tətbiq edilir, və hər iki futbolçuya 6 aylıq sınaq müddəti verilir. Sınaq dövründə futbolçular yenidən cəzalanacağı təqdirdə sanksiyanın dayandırılmış hissəsi avtomatik olaraq bərpa olunacaqdır (maddə 32, maddə 33).

Azərbaycan I Divizionunun XII turunun “Şuşa” – “Şahdağ” matçında “Şahdağ” klubunun 4 futbolçusu sarı vərəqə ilə cəzalandırığı üçün klub 100 manat cərimə olunur (maddə 40).

Azərbaycan I Divizionunun XII turunun “Energetik” – “Bakılı” matçının 63-cü dəqiqəsində “Bakılı” klubunun 15 №-li futbolçusu Rafiq Əliyev sonuncu ümud fouluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 20 manat cərimə olunur (maddə 48).

Oyunun 75-ci dəqiqəsində “Energetik” klubunun 9  №-li futbolçusu Samir Əliyevlə “Bakılı” klubunun 9 №-li futbolçusu İzzətəli Süleymanov aqressiv hərəkətə görə birbaşa qırmızı vərəqə alaraq meydandan kənarlaşdırıldıqları üçün futbolçular 4 oyunluq cəzalanır, hər bir klub 400 manat cərimə olunur (maddə 38.3).

Azərbaycan I Divizionunun XII turunun “Qaradağ Lökbatan” – “Tərəqqi” matçında “Tərəqqi” klubunun 4 futbolçusu sarı vərəqə ilə cəzalandığı üçün klub 100 manat cərimə olunur (maddə 40).

Azərbaycan I Divizionunun XII turunun “Şəmkir” – “Qala” matçında “Şəmkir” klubunun 4 futbolçusu sarı vərəqə ilə cəzalandığı üçün klub 100 manat cərimə olunur (maddə 40).