Bu həftə Azərbaycan kubokunda 1/8 final mərhələsinin oyunları keçiriləcək. 1 qarşılaşmadan ibarət olan mərhələ oyunlarındakı 8 cütdən 4-ü kubokda ilk dəfə üz-üzə gələcək. Digər 4 cüt isə əvvəllər də bir-biri ilə qarşılaşıb. Peşəkar Futbol Liqasının rəsmi saytı qarşıdakı 1/8 finalda üz-üzə gələn cütlərin ölkə kuboku tarixindəki əvvəlki qarşılaşmalarının balansını təqdim edir.

Azərbaycan kuboku 1/8 final

28 noyabr (çərşənbə)

”Kəpəz” - “Qarabağ” 
+3=0-1, top fərqi – 7:2

Rəqiblər  2 dəfə finalda, 1 dəfə isə yarımfinalda üz-üzə gəliblər. Hər 3 halda sevinən tərəf “Kəpəz” olub. Düzdür, “Qarabağ”ın 1 qələbəsi var. Lakin bu, yarımfinaldakı 2 oyunluq dueldə baş verib və mərhələ keçməyə yetərli olmayıb.

AZAL - “Simurq”
+0=2-0, top fərqi – 0:0

3 il əvvəl görüşən rəqiblərin qarşılaşmalarında qapılara qol vurulmayıb. Həmin vaxt cütün qalibi penaltilər seriyasında müəyyənləşib ki, sevinən də bakılılar olub.

“Tərəqqi” - “Neftçi” indiyədək qarşılaşmayıblar

“Qəbələ” – “Qaradağ Lökbatan”
+1=0-0, top fərqi – 2:0

“Qaradağ Lökbatan” hələ “Neftçi İSM” adlandığı vaxt “Qəbələ”nin rəqibi olub. Həmin vaxt da 1 oyunluq mərhələdə, Qəbələdə görüşən rəqiblərin matçında Premyer Liqa təmsilçisi qalib gəlib.

“Bakı” - “Sumqayıt” indiyədək qarşılaşmayıblar

MOİK - “İnter”
+2=0-0, top fərqi – 10:1

15 ildən sonra kubok duelində üz-üzə gələcək paytaxt təsmilçiləri bu dəfə fərqli adlarla meydana çıxacaq. 1997-ci ildə 2 bəöyükhesablı qələbə ilə mərhələ keçən “hərbçilər” Premyer Liqanın liderlərindən olan “İnter”i öz meydanında qəbul edəcək.

“Rəvan” - “Neftçala” indiyədək qarşılaşmayıblar

“Turan” - “Xəzər Lənkəran” indiyədək qarşılaşmayıblar