Peşəkar Futbol Liqası və “Buta Global-Enerji Tekstil” yeni layihəyə start verir. Misli Premyer Liqasının XIX turundan etibarən hər tur bütün oyunların nəticələrini ən tez tapan şəxs “Buta Global-Enerji Tekstil”dən hədiyyə kuponu qazanacaq. Müsabiqəylə bağlı paylaşımlar PFL-in rəsmi feysbuk hesabında ediləcək. Müsabiqənin şərtləri aşağıdakılardır:
- İştirakçı Misli Premyer Liqasının hesabat turunda keçiriləcək 5 oyunun dəqiq hesabını qeyd etməlidir; - Hər oyunun nəticəsini düzgün tapan şəxsə 3 xal veriləcək; - Yekunda ən çox xal toplamış şəxs qalib elan olunacaq; - Turda bir neçə eynixallı izləyici olarsa, mükafat nəticəni ən tez yazmış şəxsə təqdim ediləcək; - Redaktə edilən şərhlər etibarsız hesab olunur.
Nümunə: “Sabah” – “Zirə” 2-4 “Sumqayıt” – “Qəbələ” 3-3 “Səbail” – “Şamaxı” 3-0 "Neftçi" – "Qarabağ" 2-2 “Turan Tovuz” – “Kəpəz” 1-0
Qalibin adı müsabiqə postunun rəy bölməsində qeyd olunacaq. Müsabiqəni qazanan şəxsin hədiyyə kuponunu necə və harada istifadə edə biləcəyi ilə bağlı əlavə məlumat veriləcək. Qeyd edək ki, “Buta Global-Enerji Tekstil” 22 ildir ki, fəaliyyət göstərir.
|